’’کراچی میں رہنا ایسا ہے جیسے پیرس میں رہنا‘‘، شرمیلا فاروقی کا بیان وائرل

کراچی: پاکستان پیپلز پارٹی کی سینئر رہنما شرمیلا فاروقی نے روشنیوں کے شہر کراچی کا موازنہ فرانس کے دارالحکومت پیرس سے کر دیا، جس کے بعد سوشل میڈیا پر تبصروں کا ایک طوفان کھڑا ہو گیا ہے۔

ایک نجی ٹی وی پروگرام میں شرکت کے دوران، جب میزبان نے شرمیلا فاروقی سے ایک جملہ مکمل کرنے کو کہا کہ "کراچی میں رہنا ایسا ہے جیسے۔۔۔”، تو انہوں نے بلا جھجھک جواب دیا: "کراچی میں رہنا ایسا ہے جیسے پیرس میں رہنا”۔ ان کا یہ جواب سن کر نہ صرف شو میں موجود مہمان ہنس پڑے بلکہ تالیاں بجا کر اس منفرد موازنے کو سراہا۔

جیسے ہی یہ ویڈیو کلپ وائرل ہوا، صارفین کی جانب سے دلچسپ تبصرے سامنے آنے لگے۔ کچھ صارفین نے اسے شرمیلا فاروقی کی اپنے شہر سے محبت قرار دیا، جبکہ دیگر نے کراچی کی ٹریفک اور حالیہ مسائل کے تناظر میں اسے ایک "خوش فہمی” قرار دے کر میمز (Memes) بنانا شروع کر دیں۔

رپورٹ: ادارہ اردو ڈیسک | ماخذ: UrduDesk.com