پشاور میں ایف سی ہیڈکوارٹر پر حملے کی کوشش ناکام، تین دہشتگرد ہلاک
پشاور کے صدر علاقے میں ایف سی ہیڈکوارٹر پر دہشتگردوں نے آج صبح حملہ کرنے کی کوشش کی جسے فورسز نے بروقت کارروائی کرتے ہوئے ناکام بنا دیا۔ حملے میں 3 ایف سی اہلکار شہید جبکہ 11 افراد زخمی ہوئے۔
پہلا حملہ آور گیٹ پر خودکش دھماکا کرکے ہلاک ہوا، جس کے بعد دو دہشتگرد اندر گھسنے کی کوشش میں مارے گئے۔ فورسز نے فوری طور پر علاقے کو گھیرے میں لے کر کلیئرنس آپریشن شروع کردیا۔
ریسکیو 1122 نے زخمیوں کو ایل آر ایچ منتقل کیا جہاں ان کی حالت خطرے سے باہر بتائی جا رہی ہے۔ دھماکے کے بعد ملحقہ روڈز اور بی آر ٹی سروس کو عارضی طور پر بند کردیا گیا۔
صدر، وزیراعظم اور وفاقی وزیر داخلہ نے حملے کی شدید مذمت کرتے ہوئے شہدا کو خراجِ عقیدت پیش کیا اور دہشتگردی کے خاتمے کے عزم کا اظہار کیا۔
About the Author
