پاکستانی مرد اداکاراؤں سے شادی نہیں کرتے، قدسیہ علی کا شکوہ
اداکارہ نے بتایا کہ ذاتی زندگی میں بھی اسی سوچ کا سامنا کرنا پڑا
ویب ڈیسک
27 نومبر 2025
facebook | twitter | whatsapp | mail
پاکستانی ڈرامہ انڈسٹری کی اُبھرتی ہوئی اداکارہ قدسیہ علی نے ایک حالیہ انٹرویو میں شوبز سے وابستہ خواتین کے لیے معاشرتی رویّوں پر کھل کر بات کی ہے۔ انہوں نے کہا کہ بدقسمتی سے آج بھی شوبز میں کام کرنے والی خواتین کو رشتوں کے معاملے میں سنجیدگی سے نہیں لیا جاتا۔
ایک نجی چینل کے پروگرام میں گفتگو کرتے ہوئے اداکارہ نے بتایا کہ خودمختار اور پروفیشنل خواتین کو اب بھی غیر ضروری تنقید کا سامنا کرنا پڑتا ہے۔ ان کا کہنا تھا کہ “2025 میں بھی سوچ وہی ہے، لوگ بدلنے کو تیار نہیں۔”
اداکارہ نے انکشاف کیا کہ انہیں حال ہی میں ذاتی زندگی میں بھی اسی رویے سے گزرنا پڑا۔ قدسیہ علی کے مطابق ایک شخص سے دوستی ہوئی، لیکن جب بات آگے بڑھنے کی آئی تو سامنے والے نے شرط رکھی کہ اگر رشتہ کرنا ہے تو انہیں اپنا پیشہ چھوڑنا ہوگا۔
انہوں نے افسوس کا اظہار کرتے ہوئے کہا کہ “لوگ سامنے سے تو اداکاراؤں کی تعریف کرتے ہیں، لیکن زندگی کا حصہ بنانے کی بات ہو تو پیچھے ہٹ جاتے ہیں۔”
قدسیہ علی نے اپنے کیریئر کا آغاز ڈرامہ “اولاد” سے کیا تھا جس میں انہوں نے خصوصی ضروریات رکھنے والی بچی کا کردار ادا کیا تھا۔ بعد ازاں وہ “کچھ ان کہی” اور “ایک جھوٹی کہانی” سمیت کئی مقبول ڈراموں میں مختلف کردار نبھاتی نظر آئیں۔
About the Author
