مناب اسکول پر امریکی حملہ: شہید بچوں کے والدین کا پوپ لیو کو خط

تہران (اردو ڈیسک): ایران میں مناب اسکول پر ہونے والے امریکی حملے میں شہید ہونے والے بچوں کے سوگوار والدین نے کیتھولک مسیحیوں کے پیشوا پوپ لیو کو ایک خصوصی خط لکھا ہے، جس میں انہوں نے عالمی سطح پر شہید بچوں کی آواز بننے پر ان کا شکریہ ادا کیا ہے۔

پوپ لیو کے امن پیغام کی تائید شہید بچوں کے والدین کی جانب سے لکھے گئے خط میں کہا گیا ہے کہ "ہم آپ کے اس موقف کو سراہتے ہیں جس میں آپ نے مطالبہ کیا کہ ‘ہتھیار رکھ دیے جائیں’۔” والدین نے امید ظاہر کی کہ امن کے لیے اٹھائی گئی یہ آواز ضرور سنی جائے گی اور عالمی سطح پر جنگ و جدل کے خاتمے کا سبب بنے گی۔

وائٹ ہاؤس کی مجرمانہ خاموشی خط میں اس بات پر افسوس کا اظہار کیا گیا کہ مناب اسکول حملے کو عرصہ بیت جانے کے باوجود وائٹ ہاؤس نے اب تک اس بہیمانہ کارروائی پر کسی قسم کی معذرت یا پشیمانی کا اظہار نہیں کیا۔ واضح رہے کہ 28 فروری کو ہونے والے اس المناک حملے میں معصوم بچیوں سمیت 160 سے زائد افراد شہید ہوئے تھے۔

پسِ منظر یاد رہے کہ مناب کے تعلیمی ادارے پر امریکی فورسز کی جانب سے کیا گیا یہ حملہ انسانی حقوق کی سنگین خلاف ورزی قرار دیا گیا تھا، جس نے پوری دنیا کو جھنجھوڑ کر رکھ دیا تھا۔ متاثرہ خاندان اب بھی انصاف کے منتظر ہیں۔