مودی جی کی "انڈین ٹافی ڈپلومیسی”: ملک مسائل میں، وزیراعظم ریلز میں!
بھارتی وزیراعظم نریندر مودی نے اٹلی کے دورے پر اپنی ہم منصب جارجیا میلونی کو خالص انڈین ٹافیاں تحفے میں پیش کر دیں، جس کی ویڈیو سوشل میڈیا پر طوفان مچائے ہوئے ہے۔
اس انوکھے دیسی تحفے پر عوام کا چٹپٹا تبصرہ کچھ یوں ہے:
ادھر بھارت میں عوام مہنگائی، بیروزگاری اور طلبہ کے احتجاج سے سر پکڑ کر بیٹھی ہے، اور ادھر مودی جی سات سمندر پار انڈین ٹافیاں بانٹ کر "ریلز” بنوا رہے ہیں۔
اپوزیشن لیڈر راہول گاندھی جتنا مرضی چیختے رہیں کہ ملک مسائل کا سامنا کر رہا ہے، مودی جی کا تو سیدھا اصول ہے: "مسائل اپنی جگہ، لیکن انسٹاگرام کی ریل اور دیسی ٹافی کی پبلسٹی میں کوئی سمجھوتہ نہیں ہوگا!”
پبلک کا کہنا ہے کہ مودی جی نے اٹلی جا کر بھی ثابت کر دیا کہ برانڈڈ چاکلیٹس اپنی جگہ، لیکن عالمی سفارت کاری میں سستی انڈین ٹافیوں کا سواد (مزہ) ہی کچھ اور ہے۔
ملک کا معاشی پہیہ چلے نہ چلے، مودی جی کی اس "ٹافی ڈپلومیسی” نے یہ ضرور بتا دیا ہے کہ سوشل میڈیا پر ٹرینڈ کیسے سیٹ کیا جاتا ہے!